حوار مع الشاعر و الاعلامي الاستاذ قاسم الرشيدي ابو موعود
خاص بــ موقع أدب الأهواز
المحاور: عبدالحسين الباوي
لبیک یا زينب
الدكتور عباس العباسي الطائي في حوار مع موقع أدب الأهواز
حوار حول النقد الأدبي الأهوازي
(الجزء الثاني)
خاص بـ موقع أدب الأهواز
المحاور : عبدالحسين الباوي
قرآءة في قصيدة ؛( راح اسافر )
للشاعر الاهوازي؛ عبدالحسين الباوي
بقلم : الاديب الاهوازي
الاستاذ على عبدالحسين الحزباوي
شاهد النص على منتدي شعراء الخفاجية
قصيدة ( ذهب صافي )
للشاعر : عبدالحسين الباوي
في حق امير المومنين الامام على عليه السلام
المصدر:
موقع علوان
نبذة مختصرة عن حياة الشاعر عبدالحسين الباوي
مع مجموعة من اشعاره على موقع ادبنا
حوار الدكتور عباس العباسي الطائي مع موقع أدب الأهواز
(الجزء الاول)
حوار حول النقد الادبي الاهوازي
المحاور : عبدالحسين الباوي
( یابواسعود)
یا بواسعود یمته اتعود
یابیرغ مجدنا البالزلم معدود
ترکت النوم من یومک
وانجوم الشفاگه اشهود
جبتهه امن اهد ذاک الیوم
عندی و یالعذاب اعهود
یالرایح خذاک الموت
ما ظنک ترد اردود
اشیردک وانته سیف الموت
برگاب الیضد حاصود
یذخر اهلی اشبگه امنهلی
طاحت بین گوم ایهود
وحرامیت الخلگ فدنوب
لعبت بالوطن فرهود
ارید اتشمر الضرعان
و تگعد للاعادی اگعود
یابو اسعود یمته اتعود
علیک العین سالت بالدموع اچبود
وشگ ثوبه نهر کارون
لیک و ما علیه منگود
وشعبک بین نار و دان
بین الطایح و مطرود
وانه بحر الالم یاخوی
فجته و ما علیه ازنود
انه ابگاعی زرت الآخ
و اهموم و حزن محصود
رد لیه ترانی الظیم
کل یوم الیعدی ایزود
عشت ابامل یابو سعود
طلت اهلالک الموعود
بالچن یطل صبح النور
و انزیح اللیالی السود
۰۰۰۰۰۰۰۰۰۰۰
الشاعر:عبدالحسين الباوي
هوسات
من زغر گالتلی امي هالوطن موللغريب
ويبني ترچيه اباذانك خلهه حد بان المشيب
لو تساوم خصمك ابني امحرم اعليك الحليب
و ما ارضي اتگول ابن افلانه
*****
شفت من الدنيه كلشي وما يهم بيه التعب
نذر ناذر روحي لهلي و فدوه دمي الهالشعب
ما لعبت ابكل ملاعب من زغر چان اللعب
بالحومه و تشهد عدواني
الشاعر: عبدالحسين الباوي
میمر
من خده ولفی اتمکنت بستانی
ومنه ازدهر وردی وعمر بستانی
اعلیه احشم یاترف بستانی
من الشفایف بوسه راید یشگر
======
حبه ابوسط رحه الوکت خلانی
و رکانی بهمومه لمن خلانی
ما ینحمل صدگ بعد خلانی
مجبور صابر بس دلیلی اموجر
======
کرت العده ومایومهم کارونی
ومافاد بحبال الحقد کارونی
احلف ابعزة كرختي وكاروني
لمطر عليهم نار يوم المحشر
======
ازلف ترى اتودر النظر کرختنه
ابأ وجد اعله المجد کرختنه
کارون یتفاخر بهل کرختنه
وکرختنه کارون الهه صایر مفخر
======
العین سالت یا ولف منهدم
والفرگتک حیلی صبح منهدم
غیر الحزن مالاک الی منهدم
صابر وگولن هالوکت یتغیر
الشاعر:عبدالحسين الباوي
قراءة في شعر الشاعر عبدالحسين باوي
هوسات
------------
من سمعت اصياح گومی فار بعروگی الدمه
وشمرت زند الکرامه وصحت وسط الموزمه
الیوم یوم اهل القضیه الما فزع ماهو ازلمه
ولما ینهض یلبس شیله
===============
رافگت المنايه اسنين تشهد حومتي ابهايه
من صاح الوطن عالجور ثرت وي الحمه الثايه
قسمت ابحب نهر كارون و دمي انخبط وي مايه
للموت اصرخ انا اهوازي
===========
شددني الخصيم احبال و مشانق علگ اگبالى
وكل ظنه اعله حبل الموت يگدر يرعب احوالى
مثل النخل گتله انموت و تظل الروس بالعالى
ما نرغب موت اعله اوساده
==========
الحگ لوله عنده ارجال تطلبه و تمشی بدروبه
من حلگ السبع لو چان تطلع احگوگ مسلوبه
شعب البالقلم یمتاز دوم اعداه مرعوبه
و تتحذر چیلات اقلامه
الشاعر:عبدالحسين الباوي
ابوذيات
------------
دلیلی نور حب الوطن شعبی
و یدهری هالعشگ للناس شعبی
رادونی ابیع ابرخص شعبی
وانه بالدم شریته الغاط میه
====
تسودن هالوکت ونفگد عگله
وحبل وصل الاخوه ابدغش عگله
اخوالیحفر لخیه ایرید عگله
یجی و فد یوم یعثرله ابهبیه
====
سیفک عالظلم والجور سله
وگلب الخاصمک بالقهر سله
ما فاد العنب یدعی السله
اله و یرد یاخذها امن دیه
=====
اخو الما ینفعک بالضیج منا
تکتر لا یسوی اعلیک منا
رخیص و ما یثگل الوزن منا
و یظل عایش ابذله ومهرمیه
=====
شصبر بالگلب شنساک شلها
و مرض هجرک جمیع اعضای شلها
یلومونی الخلگ بهواک شلها
المهم انته ابوصالک تحن لیه
=====
بعد ما ینفعک یاصاح ونتل
حزینه و نیط گلبک سهل ونتل
انه بیدک ترکت الگلب ونتل
دست فوگه و ترکته ابلا خطیه
=====
یصاحب من غیابک علی تل هم
صرت اطحن صبر و الروح تل هم
مثل ما تتله کتب الغیر تل هم
کتابی و رد علیه ابلا تحیه
=====
مثل گلبی میوجد گلب بی هام
عله ولفی الاشیلن چنت بی هام
یطارش گل حبیبی الگلب بی هام
یرف لمن یمر الموت بیه
الشاعر: عبدالحسين الباوي
بقلم الدکتور : عباس العباسي الطائي
هذه القطعة الشعریة الشعبیة الجمیلة ( راح أسافر)، للشاعر الأدیب عــــبدالحسین الباوي، الذي حقق بجهدٍ منقطع النظیر منجزا أدبیا جدیرا بالتــــــقدیر، لا شک أنه اقتطعها من فؤاده، فجاءت کتلة مخصّبة من تنهدات،وصرخة في وجه التخلف في زمن العولمة والتطورات الهائلة ، ونقمة علی من لا تزال عیـــونهم مزروعةً في خلفیة جماجمهم لاینظرون إلّا للوراء.
في هذه القطعة قد عزم الشاعر علی الرحیل، وکأنَّ الشاعر العربي ثابت بن اوس الأزدي (الشنفری) ینادیه من وراء القرن الخامس قبل الإسلام، أن قل کما قلت :
أقیموا بني أمي صدور مطیکم فإني إلی قوم سواکم لأمیل
فقال الباوي: « راح اسافر»، وقال أیضا: « أرد أشیلن گلبي من هذا النزل»
و کما قال الشنفری: « وفي الأرض منأی للکریم عن الأذی....».
قال الباوي: « راح أحطّ ابأرض مابیها غرام »، وما أشدَّ الحیاةَ في أرض لا غرام بها ، وقد جعل الشاعر العربي الکبیراحمد شوقي ، الحیاة بلا غرام دعاءً علی الحبیب الظالم:
یا ناعسَ الطرف لا ذقت الهوی أبدا أسهرتَ مضناک في حفظ الهوی فنمِ
لکن أرض الباوي التي یرید الرحیل عنها ـ مرغما مع تعلقه وحبـــــه بـ (بستانها و شطها ونخیلها) ـ ،لا یزال الحب یُقتل فیها، بل وفیها من یعـــــتبر القتل مفـــــخرة، فیصرخ الشاعر الجریح الموجع:
«ارد اعوفن دولة الحب
بيها مسموح القتل»
وأخیرأ وقبل أن یُسلِّم مودِّعا،وکأنه فد عقد العزم الرحیل، یقول:
«حتي لا شوفن ابعيني
ينهدم بيت الحمام
والسلام ».
أقول : لا یا أیها الشاعرالمکلوم، لماذا لا تقول کما قال أبو الشــعراء، الشاعر العربي الثائر« أبو الطیب المتنبي»:
«إذا ترحّلتَ عن قوم وقد قدروا أن لا تفارقهم فالراحلون همُ »
===================
بقلم الدکتور : عباس العباسي الطائي
واترك اسنيني وراي
واطوي دفتر ذكرياتي
واحمل اهمومي اعله ظهري
واترك البستان والشط والنخل
واشلع النجمه ابسماي
خاف واحد يندل امچاني و يجي
ارد اشيلن گلبي من هذا النزل
ارد اعوفن دولة الحب
بيها مسموح القتل
بعد ميت زرع گلبي و مايخضر بي شتل
راح اسافر
واترك البيت البنيته
ابشعري واحلامي ودموعي
ارد اسدن باب گلبي
الما لمس ايد الاحبه
الضیعته الناس مني
و طفت ابهندس شموعي
راح أحطّ ابأرض مابیها غرام
حتي لا شوفن ابعيني
ينهدم بيت الحمام
والسلام
الشاعر:عبدالحسين الباوي
=====================
رد الشاعر القدير الاخ سيد حسن الشريفي على القصيدة
لا تسافر
دمعة العاشگ جریمه..اتهز امن ذیچ البلاد..
اهناک ممنوع الکلام وبین قوسین السکوت اکبر جهاد...
.آنه انصحک لاتسافر درب دیرتهم بعید..
اهناك عدهم شمس تحرگ ...
.حیل تحرگ وانته جسمک من جلید..
انته شایل ورده بیدک ....یا ورود الگصت ارگاب الحدید..
لا تسافر ..من تسافر ینذبح لون الامل ویه النشید ..
والنخل یلبس حداد وما یشوف ابعینه عید لا تسافر ...
لا تسافر ...
الشاعر: سيد حسن الشريفي
=======================
رد الدكتور عدنان غزي على القصيدة
انته حگک لو تسافر -
لو تغادر-
لو تهیم اولو عفت حتی البیادر-
ما الومک-
حیث مزروع ابأرض کلهه خناجر .
الدكتور عدنان غزي
=======================================
رد الشاعر القدير الاستاذ خالد ال ناصري على القصيدة
ما ألومك من تسافر
لأن عايش بالمآسي و بالمحن
لأن أحكام البراءه اتموت خضره و تندفن
لأن عصر البينه يمشي عصر غايص بالفتن
لأن عمر البينه يجري غابت أنواره و غزوها
و فرهدوها و الزمن ما هو الزمن
لأن ضحكات الأحبه العاشرونه اتنادسن و اتبدلن
لأن چلمات الطفوله اتغيرنو اتباعدن و اتناثرن
و اتخربصن و اتزانگن واتعاركن واتحاقدن...
و لأن عندي اهواي منها اشما گلت ما خلصن
.
.
.
بس أگلك لا تسافر
لأن بعيون الخلگ تبقي غريب
و لأن هذا الى تعوفه انته ، يسمونه
وطن
الشاعر: خالد ال ناصري
رساله الی الوطن
اتسودنه ابهواک وصار بینه اجنون
ورافـگـنه المــنایه وما جـزعناها
کل غیمة سخط تمطرعلینه اسموم
واحـنه ابلا زند یـهواز فـجناها
الشاهد علينه ابهالعشگ کاورن
ابحبک هالنفوس اشلون بعناها
زعـنه الـعافیه امـن الـظـیم
بس عزت النفوس انچان زعناها
وادروب المنایه التگطع الزردوم
حفای او معزتک من مشیناها
اشتحسب نسکت اعله العار
ثرنه وعیشه الذل ما جرعناها
ذرینه الدمه حد ما روینا الگاع
وازروع المعزه ابدم سگیناها
خضر زود بیها و یشهد التاریخ
احرارک عبید اشلون ترضاها
رادونه نبوس اچفوفهم وانطیع
مـتـنـه وداعتک ما یوم بـسـناها
الشاعر: عبدالحسين الباوي
.: Weblog Themes By Pichak :.
